Dziaržduma ratyfikavała pratakoł ab biaspošlinnaj pastaŭcy nafty ŭ Biełaruś
jaki byŭ padpisany 27 studzienia 2010 hoda ŭ Maskvie.
Dakumient unosić źmieny ŭ pahadnieńnie pamiž uradami dźviuch krain ab mierach pa ŭrehulavańni handlova‑ekanamičnaha supracoŭnictva ŭ śfiery ekspartu nafty i nieftapraduktaŭ ad 12 studzienia 2007 hoda. U pryvatnaści, vyznačajecca, što mytnaj pošlinaj nie abkładajecca nafta, jakaja transpartujecca z RF u Biełaruś, zychodziačy z hadavoha abjomu ŭnutranaha spažyvańnia rasijskaj nafty ŭ hetaj krainie. Pry hetym pamier vyvaznoj mytnaj pošliny na naftu, jakaja pastaŭlajecca zvyš hetaha abjomu, vyznačajecca zychodziačy sa stavak, ustanoŭlenych rasijskim zakanadaŭstvam.
Dakumientam praduhledžana prymianieńnie miechanizma źmianieńnia taryfaŭ pa tranzicie nafty pa mahistralnych naftapravodach, raźmieščanych na biełaruskaj terytoryi, i zaklučeńnie mytnymi orhanami dziaržaŭ da 1 sakavika 2010 hoda pahadnieńnia ab paradku abmienu infarmacyjaj ab eksparcie nafty z terytoryi Biełarusi ŭ trecija krainy.
Jak paviedamiŭ namieśnik ministra enierhietyki RF Anatol Janoŭski, biaspošlinna ŭ Biełaruś budzie pastaŭlacca prykładna 6,3 młn. ton rasijskaj nafty. «Pavodle papiarednich raźlikaŭ, Rasijskaja Fiederacyja atrymaje ŭ 2010 hodzie (ad pastavak nafty ŭ Biełaruś) na 78 młrd. rubloŭ bolš, čym u 2009 hodzie», — skazaŭ Janoŭski.
Adkazvajučy na pytańni deputataŭ ab tym, ci ratyfikuje Minsk hety pratakoł, namieśnik ministra paviedamiŭ, što dakumient užo razhledžany biełaruskim uradam i taksama adpraŭleny na ratyfikacyju ŭ parłamient.
Raniej hazieta «Kommiersant'» zaznačała, što Biełaruś moža stracić ilhotnuju naftu, kali svoječasova nie ratyfikuje padpisanyja ŭ Maskvie dakumienty. «Pahadnieńnie ab biaspošlinnych pastaŭkach nafty dla ŭłasnaha spažyvańnia Biełarusi ŭ abjomie 6,3 młn. ton, padpisanaje vice‑premjerami Iharam Siečynym i Uładzimiram Siamaškam, moža nie ŭvajści ŭ siłu, kali nie budzie ratyfikavana da 15 lutaha», — padkreślivała rasijskaje vydańnie.
Jak paviedamili BiełaPAN u biełaruskim parłamiencie, pakolki zakonaprajekt ab ratyfikacyi zhadanaha pratakoła ŭ nižniuju pałatu nie pastupaŭ, sklikańnie niečarhovaj siesii pakul nie płanujecca. Adnak, jak patłumačyli ŭ Nacyjanalnym schodzie, u adpaviednaści ź biełaruskim zakonam ab mižnarodnych dahavorach ich uvachodžańnie ŭ siłu mahčymaje nie tolki praz ratyfikacyju parłamientam, ale i šlacham pryniaćcia ŭkaza prezidenta. U hetym vypadku mižnarodny dahavor uvojdzie ŭ siłu adrazu paśla vychadu ŭkaza, a parłamient moža razhledzieć jaho paźniej.