«Rovier» prataraniŭ prypynak la ŭniviersama «Ryha» ŭ Minsku + fota
Ranicaj 12 lutaha ŭ prypynak la ŭniviersama «Ryha» urezaŭsia aŭtamabil «Rovier». U vyniku avaryi — čaćviora paciarpiełych, adzin ź jakich u ciažkim stanie. Jak miarkujecca, maładoha kiroŭcu zaniesła na pavarocie.
U Bajnecie adrazu znajšlisia vidavočcy hetaj avaryi. Pasažyry tralejbusa, jaki stajaŭ u toj čas na prypynku, adčuli mocny ŭdar.
‑‑ Usie vyjšli z tralejbusa i ŭbačyli mašynu, jakaja zajechała ŭ prypynak, — piša śviedka. — Miž piarednim bampieram i rekłamnym ščytom lažała žančyna ŭ nienaturalnaj pozie, spačatku ja ŭbačyła tolki tyrčali nohi. Potym skazali, što jana dychaje. Za prypynkam lažaŭ mužčyna, jon taksama adlacieŭ ad prypynku i kazaŭ, što ŭ jaho niešta z nahoj. Jašče tam byli dvoje dziaŭčat, jakija paciarpieli mienš. Jany chadzili narmalna, ale adna kazała daktaram z Chutkaj dapamohi, što ŭ jaje idzie z hałavy kroŭ. Za rulom mašyny byŭ małady chłopiec, napeŭna, jaho zaniesła na pavarocie, i jon urezaŭsia ŭ prypynak.