U Babrujsku aŭto pravaliłasia pad asfalt FOTY
Niezvyčajnaje zdareńnie ź inšamarkaj adbyłosia 1 vieraśnia ŭ Babrujsku na vulicy Sacyjalistyčnaj.
Fota tut i dalej: «Viačerni Babrujsk»
Spačatku pad levym piarednim kołam Renault pravaliłasia ziamla i mašyna litaralna pavisła nad padziemnaj prorvaj. Inšamarku sprabavaŭ adbuksiravać inšy aŭtamabil, ale pry buksiroŭcy minivien amal całkam syšoŭ pad ziamlu, piša «Viačerni Babrujsk».
Miesca zdareńnia ačapili.
Što stała pryčynaj, pakul nieviadoma. Zvyčajna hrunt pravalvajecca pry razhiermietyzacyi padziemnych kamunikacyj. Padobnyja vypadki ŭ Babrujsku ŭžo byli — na vulicach Lenina i Hohala.
Paźniej mašynu vyciahnuli ź jamy z dapamohaj krana.