U dačnym pasiołku pad Mahilovam praciahvajucca pryhody: paśla vypadku z šalenstvam tam zhareła krama
Niadaŭna ŭ sadovym tavarystvie «Chimik» adbyŭsia masavy kantakt dziaciej z šalonym sabakam. Ale na hetym biedy nie skončylisia.
Fota: MNS
Krama, jakaja naležyć Mahiloŭskamu rajspažyŭsajuzu, zaharełasia nočču. Da taho času, jak pažarnyja pryjechali, budynak užo hareŭ adkrytym połymiem, dach i pierakryćci abrynulisia.
U vyniku pažar całkam źniščyŭ kramu.
Dačny pasiołak «Chimik» užo traplaŭ u naviny. Niadaŭna stała viadoma ab masavym kantakcie žycharoŭ pasiołka z zaražanaj šalenstvam sabakam i jaje ščaniukami. U vyniku dziasiatki dziaciej byli špitalizavanyja, jany prachodziać kurs pryščepak.
Paźniej u «Chimiku» zaŭvažyli janotapadobnaha sabaku, chvoraha na šalenstva. Miarkujecca, što mienavita jon zaraziŭ badziažnaha sabaku — lubimca miascovych žycharoŭ.