Na Almanskich bałotach bujny pažar: harać 50 hiektaraŭ lesu i bałot, zadziejničali avijacyju
Na likvidacyju pažaru mabilizavali siły adrazu piaci lashasaŭ, a taksama MNS.
Skrynšot videa
U Paleskim lashasie, jaki siarod inšaha achoplivaje słavutyja Almanskija bałoty, uźnik bujny pažar. Pavodle papiarednich źviestak, haryć na 50 hiektarach u asnoŭnym bałocistaj miascovaści.
Na likvidacyju ačaha pažaru ściahnutyja siły piaci lashasaŭ: Paleskaha, Stolinskaha, Žytkavickaha, Miłašavickaha, Mazyrskaha vopytnaha, paviedamlaje Minlashas.
U baraćbie z pažaram udzielničajuć dziasiatki rabotnikaŭ lasnoj haspadarki, šeść usiudychodaŭ, bolš za dziasiatak adzinak inšaj techniki. Pryciahnutyja siły avijacyi MNS.
Pryčyna pažaru nie ŭstanoŭlenaja. Ź vialikaj vierahodnaściu pryčynaj uzharańnia stała nieaściarožnaje abychodžańnie z ahniom — ciapier u hetym rajonie idzie siezon zboru žuravin.
Pažar na Almanskich bałotach bačny navat z kosmasu, jaho možna pabačyć na śviežym spadarožnikavym zdymku NASA, zhodna ź jakim haryć terytoryja ŭ paŭnočna-zachodniaj častcy zakaźnika.
Čytajcie taksama:
U Čarnobylskaj zonie novy pažar: pryciahnuli čatyry sotni ratavalnikaŭ
U Lelčycach Dzień horada praviali ŭ dymie z čarnobylskaj zony