Stała viadoma, chto moža ŭznačalić Mižnarodny alimpijski kamitet

Mižnarodny alimpijski kamitet apublikavaŭ śpis kandydataŭ na pasadu prezidenta arhanizacyi. Usiaho pretendentaŭ siamiora.

Bałatavacca na pasadu prezidenta mižnarodnaj arhanizacyi buduć:

1) 67-hadovy kiraŭnik Mižnarodnaj asacyjacyi lohkaatletyčnych fiederacyj Siebaśćian Koe (Vialikabrytanija);

2) 41-hadovaja ministarka pa spravach moładzi, sportu mastactva i adpačynku Zimbabve, dvuchrazovaja alimpijskaja čempijonka pa płavańni Kirści Kovientry;

3) 64-hadovy vice-prezident MAK Chuan Antonia Samaranč — małodšy (Ispanija);

4) 62-hadovy prezident Mižnarodnaj fiederacyi łyžnaha sportu i snoŭbordu Juchan Elijaš (Šviecyja),

5) 51-hadovy kiraŭnik Mižnarodnaha sajuza viełasipiedystaŭ David Łaparćjan (Francyja);

6) 65-hadovy kiraŭnik Mižnarodnaj fiederacyi himnastyki Marynary Vatanabe (Japonija);

7) 60-hadovy kiraŭnik Alimpijskaha kamiteta Iardanii Fiejsał ibn Chusiejn.

Vybary novaha prezidenta MAK zapłanavanyja na sakavik 2025 hoda na siesii arhanizacyi ŭ Hrecyi. Tomas Bach, jaki zajmaŭ hetuju pasadu ź vieraśnia 2013 hoda, bałatavacca na novy termin nie budzie. 

Kamientary da artykuła