Va Ušačach za raspaŭsiud «ekstremisckich materyjałaŭ» asudzili troch supracoŭnikaŭ Biełtelekama
19 vieraśnia sud Ušackaha rajona razhledzieŭ administracyjnyja spravy suprać troch supracoŭnikaŭ «Biełtelekama».
Ich abvinavacili ŭ raspaŭsiudzie «ekstremisckich materyjałaŭ» (artykuł 19.11 KaAP), piša telehram-kanał «Viciebsk, ja hulaju».
Siarod asudžanych — hanarovy hramadzianin rajona Hienadź Arłoŭski. Na Biełtelekamie jon pracuje kabielščykam-spajščykam 4 razradu.
Taksama za «ekstremizm» sudzili inžynieraŭ Siarhieja Čartkova i Dźmitryja Fiadukoviča. Vyniki sudoŭ nieviadomyja.