U Hrodnie sapraŭdy asudzili ŭładalnika sajta s13.ru, jaki dniami pryznali ekstremisckim
Praces za raspaŭsiud ekstremisckich materyjałaŭ nad uładalnikam sajta s13.ru Siarhiejem Čaboćkam prajšoŭ 25 kastryčnika. Jon źjaviŭsia ŭ raskładzie sudovych pasiadžeńniaŭ, piša Hrodna.life.
Fota: fejsbuk Siarhieja Čaboćki
Sprava pa art. 19.11 č. 2 KaAP «Raspaŭsiud, vyrab, zachoŭvańnie, pieravozka infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść», razhledzieli 25 kastryčnika ŭ sudzie Leninskaha rajona Hrodna. Sudziła jaho Hanna Lavusik.
Vynik suda pakul nieviadomy. Siarhieja mahli sudzić i jak pryvatnuju asobu, tak i jak IP — uładalnika sajta.
Pra pieraśled Siarhieja Čaboćki zahavaryli 25 kastryčnika. U haradskich čatach abmiarkoŭvali, što sajt s13.ru pryznajuć ekstremisckim. Pracadaŭcy i ŭčastkovyja raili adpisacca ad sacsietak partała. Da viečara dziaržSMI paviedamili, što pa zajavie prakurora horada Hrodna materyjały internet-resursu s13 sapraŭdy pryznanyja sudom ekstremisckimi.