Da Novaha hoda ŭ Minsku pastaviać 13 novych śvietłavych kampazicyj
A śviatočnuju iluminacyju ŭklučać u siaredzinie śniežnia.
U Minsku aktyŭna rychtujucca da navahodnich śviataŭ — u stalicy ŭstalujuć 13 novych śvietłavych kampazicyj, zajaviŭ dyrektar UP «Minharśviatło» Słavamir Hrynievič, piša BiełTA.
Pavodle jaho słoŭ, maštabnaje abnaŭleńnie aśviatleńnia horada stała nieadjemnaj častkaj padrychtoŭki da navahodnich śviataŭ. «My kirujem usioj iluminacyjaj z adzinaha dyśpietčarskaha punkta. Heta dazvalaje apieratyŭna ŭklučać aśviatleńnie i stvarać śviatočny nastroj u luby momant», — adznačyŭ Słavamir Hrynievič.
Sioleta śviatočnaja iluminacyja źjavicca na niekalkich novych učastkach Minska. Siarod ich — pr. Dziaržynskaha, praśpieki Pieramožcaŭ, vuł. Čkałava, vuł. Krasina, vuł. Śviardłova, płošča Bahuševiča, vuł. Sialickaha, pr. Partyzanski, u skviery pa vuł. Lenina, u skviery Akreścina, na pr. Mašerava i vuł. Kamsamolskaj.
Akramia taho, śvietłavoje afarmleńnie realizujecca i na na novych terytoryjach, takich jak ŽK «Minsk Śviet».
Śviatočnaja iluminacyja pačnie radavać minčan užo ź siaredziny śniežnia i praciahnie aśviatlać horad až da staroha Novaha hoda.