Biełaruś u retraśpiektyvie: vyjšaŭ kalandar z malunkami Napaleona Ordy i sučasnymi zdymkami

Pabačyŭ śviet kalandar «Biełaruś. Pohlad skroź stahodździ». U im Biełaruś pradstaŭlenaja ŭ retraśpiektyvie — u malunkach Napaleona Ordy, vykananych u druhoj pałovie XIX stahodździa, i sučasnych vyjaŭ tych ža miescaŭ fatohrafa Siarhieja Płytkieviča, piša «Smartpres».

Pa słovach Siarhieja Płytkieviča, kalandar — heta tolki častka historyj z novaha fotaalboma, nad jakim jon ciapier pracuje. Nazva knihi budzie takaja samaja — «Biełaruś. Pohlad skroź stahodździ».

Saaŭtarkaj kalendara stała viadomaja ekskursavodka i krajaznaŭca Taćciana Chvahina. Jana praanalizavała tvory Napaleona Ordy, padrychtavała analityčny tekst i podpisy da malunkaŭ dy fatahrafij.

Jak viadoma, Napaleon Orda ŭ svoj čas pisaŭ karciny na terytoryi, jakaja ciapier naležyć čatyrom roznym krainam: Biełarusi, Ukrainie, Litvie i Polščy. Kalandar i kniha vydaviectva «Ryftur» abmiežavanyja Biełaruśsiu, bo mienavita jana cikavić aŭtaraŭ bolš za ŭsio.

Naścienny kalandar «Biełaruś. Pohlad skroź stahodździ» možna budzie ŭ kniharniach Minska i inšych haradoŭ Biełarusi, a taksama ŭ internet-kramie vydaviectva «Ryftur». 

Kamientary da artykuła