Minčuka asudzili da prymusovaha lačeńnia za «padrychtoŭku da ŭdziełu ŭ vajennych dziejańniach»
U Minskim haradskim sudzie 8 kastryčnika pavodle č. 1 art. 361-3 Kryminalnaha kodeksa (udzieł na terytoryi zamiežnaj dziaržavy va ŭzbrojenym farmavańni abo ŭzbrojenym kanflikcie, vajennych dziejańniaŭ, viarboŭka abo padrychtoŭka asob da takoha ŭdziełu) asudzili 25-hadovaha Askiera Ałachvierdzijeva, piša «Viasna».
Minčuka sudzili jak «asobu, jakaja ździejśniła hramadska niebiaśpiečnaje dziejańnie». Heta značyć, što asabista na sudzie jon nie prysutničaŭ — jaho intaresy pradstaŭlaŭ zakonny pradstaŭnik.
Sud prachodziŭ u zakrytym režymie. Jak stała viadoma z «Śpisa ekstremistaŭ», kudy Askiera dadali 1 listapada, jamu pryznačyli prymusovaje lačeńnie ŭ psichijatryčnym stacyjanary z uzmocnienym nazirańniem. Rašeńnie vyniesła Śviatłana Čarapanava.
Zhodna z sacyjalnymi sietkami Askiera, jon žyŭ u Minsku, zajmaŭsia sportam, zdymaŭsia ŭ videa. Apošni raz jon zachodziŭ na svaju staronku va «Ukantakcie» ŭ lipieni.