U Lepieli rabočaha sudzili za «ekstremizm» prosta na pracoŭnym miescy
U Lepieli praviali pakazalny palityčny sud nad rabotnikam Biełtelekama — jaho sudzili na rodnym pradpryjemstvie. Prynamsi, tak vynikaje z raskładu suda Lepielskaha rajona, paviedamlaje telehram-kanał «Viciebsk, ja hulaju».
Elektramiechanika liniejnych zbudavańniaŭ suviazi i abanienckich pryład Juryja Parško abvinavačvali pa dvuch administracyjnych artykułach — raspaŭsiud «ekstremisckich» materyjałaŭ i anłajn-pikietavańnie. Sudziŭ Michaił Jurčanka.
Vynik nieviadomy.