U Italii biełarusa zatrymali va ŭzłamanaj im kvatery
U kamunie Łavańja (rehijon Lihuryja) na miescy złačynstva zatrymali 30-hadovaha biełarusa, jaki ŭzłamaŭ kvateru. Pra heta paviedamlaje sajt «Biełaruś i śviet» sa spasyłkaj na Genova Today.
Fota: facebook.com/carabinieri.it
Karabiniery zaśpieli našaha suajčyńnika ŭ pamiaškańni, u jakoje mužčyna niezakonna prakraŭsia, uskryŭšy dźviery, — u momant, kali jon korpaŭsia ŭ šafach i šufladach.
Aryšt z dokazami złačynstva atrymaŭsia dziakujučy zvanku na ekstrany numar 112 adnaho z susiedziaŭ, jaki zaŭvažyŭ padazronaha čałavieka, jaki błukaŭ pa šmatkvaternym budynku.
Parušalnik pry źjaŭleńni vartavych paradku adrazu ž zdaŭsia, nie akazaŭšy supracivu. Jaho dastavili ŭ adździaleńnie dla čakańnia suda paskoranaha paradku, jaki vyklučaje papiaredniaje słuchańnie.