U Oršy la kramy zrabili pryhožuju fotazonu. Pasiarod dnia adtul skrali vialikaje miedźviedziania

Kab dadać Oršy śviatočnaha nastroju i pryvabić pakupnikoŭ, adna z kram dziciačaha adzieńnia zrabiła fotazonu. Ustalavali areli, a adno ź miescaŭ na ich zaniało vialikaje plušavaje miedźviedziania. Ale ŭ chutkim časie jano źnikła.

Pra sumnuju historyju ŭ tyktoku raspaviała dziaŭčyna, jakaja pracuje ŭ aršanskaj kramie Baby mafia. Niadaŭna la kramy na vulicy Lenina abstalavali śviatočnuju fotazonu. Ale ŭvieś čas jaje niechta sprabavaŭ paškodzić — naprykład, vydziraŭ bliskaŭki sa stendu. Dziaŭčyna dadaje, što ŭžo nieadnojčy prymacoŭvała novyja, ale ž i vandały nie źbiralisia zdavacca.

«Takija voś u nas udziačnyja ludzi. Siońnia voś u nas skrali miedźviedziania. Višańka na torcie.

Adbyłosia heta ŭsiaho na čaćviorty dzień paśla źjaŭleńnia fotazony. Dziaŭčyna adznačaje, što źnieśli cacku litaralna pasiarod biełaha dnia — kala 15 hadzin. Ale ž kamieru nazirańnia krama jašče nie paśpieła ŭstalavać, tamu asoba vykradalnika zastajecca nieviadomaj», — pryznajecca jana.

@bbrvnn Porča imuŝiestva … Ukrali miedviedia … Čto skažietie hospoda i damy ? Rano ili pozdno eto proizošło by ,no nikak do ožidali na 4 dień ! #orša ♬ orihinalnyj zvuk - bbrvnn

— Na nastupnym tydni paviesim kamieru, — paabiacała dziaŭčyna.

Za dzień rolik nabraŭ 200 tysiač prahladaŭ, a ŭ kamientaryjach ludzi pačali dzialicca bolem — jak niešta sprabavali rabić u svaim horadzie, ale prykładna z takim samym vynikam. Šmat chto ździviŭsia tamu, što miedźviedziania pratrymałasia ažno čatyry dni.

Kamientary da artykuła