Kiroŭca źbiŭ dźviuch žančyn, jakija ŭvachodzili ŭ tramvaj
na pierasiačeńni vulic Śviardłova i Uljanaŭskaja ŭ Minsku.
25 lutaha na pierasiačeńni vulic Śviardłova i Uljanaŭskaja ŭ Minsku adbyłosia darožna‑transpartnaje zdareńnie, u jakim paciarpieli dźvie žančyny.
Pra heta paviedamiła staršy inśpiektar adździeła pa prapahandzie i ahitacyi DAI Leninskaha RUUS Taćciana Krasij.
25‑hadovy kiroŭca, ruchajučysia na mašynie «Reno‑Miehan» pa vulicy Śviardłova ŭ bok vulicy Kastryčnickaja, nie sastupiŭ darohu pasažyram, jakija sadzilisia ŭ tramvaj na prypynku, najechaŭ na dźviuch žančyn 40 i 35 hadoŭ.
U vyniku DTZ adna žančyna z čerapna‑mazhavoj traŭmaj, druhaja ź pierałomam ściahna dastaŭlenyja ŭ balnicu chutkaj miedycynskaj dapamohi.
Pavodle słoŭ Krasij, kiroŭca zajaviŭ, što z‑za składanaha nadvorja nie spraviŭsia z kiravańniem i mašynu zaniesła. DAI miarkuje, što jon parušyŭ Praviły darožnaha ruchu i nie sastupiŭ darohu piešachodam.