Žychary Minščyny, kab vybić doŭh, padrapali kuzaŭ Tesla. Ale jany pierabłytali mašynu
Mužčyny vyrašyli dapamahčy siabroŭcy, ale pierastaralisia.
Ilustracyjny zdymak
Minčuk paskardziŭsia ŭ milicyju na toje, što nieviadomyja padrapali kuzaŭ jahonaj Tesla. Naniesienaja škoda skłała bolš za 7 tysiač rubloŭ.
Nieŭzabavie znajšlisia i vinavatyja — žychary Minščyny 56 i 65 hadoŭ. Jany raskazali, što vyrašyli dapamahčy siabroŭcy viarnuć hrošy, jakija jana pazyčyła pryjacielu.
Mužčyny spačatku zapisali dla daŭžnika videa z pahrozami, ale rolik čamuści nie adpraviŭsia. Tady jany pajšli na krajnija miery.
Jany pryjechali dadomu da daŭžnika, kab asabista pahutaryć i abmierkavać prablemu zapazyčanaści. U dvary mužčyny ŭbačyli pryparkavanuju mašynu. Im zdałosia, što jana padobnaja da aŭto daŭžnika, i tamu vyrašyli padrapać kuzaŭ ćvikom.
U hety čas z domu vyjšaŭ sapraŭdny ŭładalnik Tesla. Jon vyklikaŭ milicyju, paśla čaho niaŭdałych kalektaraŭ zatrymali. Ciapier suprać ich zaviedziena kryminalnaja sprava.