Ciahnik Minsk — Homiel prybyŭ na kancavuju stancyju sa spaźnieńniem na čatyry z pałovaj hadziny
Pryčynaj spynieńnia ciahnika byŭ abryŭ kantaktnaj sietki.
Fota: Onliner.by
Pasažyrski ciahnik Minsk — Homiel pa techničnych pryčynach prybyŭ na kancavuju stancyju sa spaźnieńniem na 4 hadziny 28 chvilin, paviedamili ŭ pres-słužbie Biełaruskaj čyhunki.
Sastaŭ adpraviŭsia ź Minska ŭ piatnicu ŭ 17:24, adnak na pierahonie Puchavičy — Talka (niedaloka ad Asipovičaŭ) jon spyniŭsia. Jak stała viadoma paźniej, źnikła napružańnie — abarvałasia kantaktnaja sietka.
Raboty pa adnaŭleńni elektryfikavanaha ŭčastka zaniali niekatory čas. Praz heta šerah inšych ciahnikoŭ, jakija išli ŭ napramku Homiela, adstali ad hrafiku.
Na kancavuju stancyju staličny ciahnik prybyŭ a druhoj hadzinie nočy.
U BČ adznačyli, što Biełaruskaja čyhunka sumiesna z Homielskim harvykankamam arhanizoŭvali padvoz pasažyraŭ hetaha ciahnika aŭtatranspartam da miescaŭ pražyvańnia.