Pryznačana data sudu nad Aŭtuchovičam i Asipienkam — 10 sakavika
Praces nad pradprymalnikam z Vaŭkavyska Mikałajem Aŭtuchovičam i byłym vajskoŭcam Uładzimiram Asipienkam pryznačany na 10 sakavika ŭ Viarchoŭnym sudzie Biełarusi.
Pra heta paviedamiła advakatam abvinavačanych sakratar sudździ Alaksieja Ciaciuchina, jaki budzie vieści praces.
«Pavodle maich źviestak praces pačniecca ŭ adkrytym režymie, ale potym pa rašeńni bakoŭ jaho mohuć i zakryć, «—paviedamiŭ advakat Aŭtuchoviča Pavał Sapiełka.
***
Nahadajem, Mikałaja Aŭtuchoviča i Uładzimira Asipienku aryštavali ŭ Vaŭkavysku 8 lutaha 2009 hoda i dahetul utrymlivajuć ŭ minskim śledčym izalatary. Ich abvinavačvajuć u padrychtoŭcy teraktu suproć vysokapastaŭlenych dziaržaŭnych čynoŭnikaŭ i ŭ padpale doma milicyjanta. Svajoj viny Aŭtuchovič i Asipienka nie pryznajuć i kažuć, što ich pieraśledujuć za antykarupcyjnuju dziejnaść.