U Pinsku zakryli bujny machlarski koł-centr. Paciarpiełych — amal 50 tysiač čałaviek
Na praciahu troch hadoŭ mieniedžary koł-centra telefanavali ludziam ad imia internet-kramy «Tavary dla doma» i paviedamlali ab nibyta vyjhryšy kampjutarnaj techniki, paviedamlaje Śledčy kamitet.
Ilustracyjnaje fota
U 2020 hodzie čatyry žycharki Pinska zarehistravali firmu, jakaja pavinna była handlavać tavarami ŭ internecie. Arandavali ofis u centry Pinska i naniali na pracu bolš za 100 čałaviek.
Ale zamiest handlu ŭ internecie supracoŭniki firmy telefanavali biełarusam i paviedamlali, što jany vyjhrali pryz ad internet-kramy «Tavary dla doma»: kampjutar, smartfon i inšuju darahuju techniku. Adziny momant — pieramožcy pavinny byli apłacić pierasyłku pryza nakładzienym płaciažom.
Ujaŭny pryz nakiroŭvali pa pošcie. Kali naiŭnyja hramadzianie apłačvali košt nakładzienych płaciažoŭ, zamiest abiacanaj techniki jany atrymlivali tolki papiarovaje śmiećcie.
Dziejnaść koł-centra spynienaja supracoŭnikami milicyi.
U vyniku ašukanskich dziejańniaŭ čatyry žycharki Pinska zavałodali hrašyma bolš za 49 tysiač čałaviek na sumu bolš za dva miljony rubloŭ.