U Voranaŭskim rajonie pamiežniki zatrymali dvuch uładalnikaŭ bieśpiłotnikaŭ
Dvuch miascovych žycharoŭ, jakija vałodali bieśpiłotnymi latalnymi aparatami, zatrymali 26 listapada vajskoŭcy Lidskaha pahranatrada kala rajcentra Voranava pry siłavoj padtrymcy z boku AMAPa, paviedamiła pres-słužba Dziaržaŭnaha pahraničnaha kamiteta.
Skrynšot ź videa
U adnaho mužčyny bieśpiłotnik multyrotarnaha typu, pult kiravańnia da jaho i akumulatarnyja batarei znajšli pa miescy žycharstva, u inšaha dron z pultam kiravańnia — u haražy ŭ Lidzie.
Drony i kamplektujučyja da ich byli kanfiskavanyja i dastaŭlenyja va ŭpraŭleńnie Lidskaha pahranatrada dla praviadzieńnia dalejšaha razboru. U dačynieńni da mužčyn pačali administracyjny praces za parušeńnie pamiežnaha režymu.
Pavodle źviestak pamiežnaj słužby, z pačatku hoda tolki lidskija pamiežniki kanfiskavali ŭ hramadzian minimum 14 bieśpiłotnikaŭ.