BIEŁ Ł RUS

Tramp vyznačyŭsia z kandydaturaj śpiecpasłańnika ZŠA pa Ukrainie

27.11.2024 / 21:26

Nashaniva.com

Abrany prezident ZŠA Donald Tramp prapanavaŭ kandydaturu 80-hadovaha adstaŭnoha hienierała Kita Kiełaha na pasadu śpiecpasłańnika ZŠA pa rasijska-ŭkrainskaj vajnie, paviedamiŭ jon u sacsietcy Thruth.

Kiejt Kiełah. Fota: AP Photo/Mariam Zuhaib

«Vielmi rady pryznačyć hienierała Kiejta Kiełaha na pasadu pamočnika prezidenta i śpiecyjalnaha pradstaŭnika pa Ukrainie i Rasii. Kit zrabiŭ vydatnuju vajskovuju i dziełavuju karjeru, uklučajučy słužbu na vielmi važnych pasadach u śfiery nacyjanalnaj biaśpieki ŭ majoj pieršaj administracyi. Jon byŭ sa mnoj z samaha pačatku! Razam my zabiaśpiečym mir praź siłu i zrobim Amieryku i ŭvieś śviet znoŭ biaśpiečnymi!», — napisaŭ Tramp.

Padčas pieršaha prezidenckaha terminu Donalda Trampa ŭ 2017-2021 hadach Kit Kiełah zajmaŭ pasadu ŭ Radzie nacyjanalnaj biaśpieki i byŭ daradcam u nacyjanalnaj biaśpiecy tahačasnaha vice-prezidenta Majka Pensa.

U červieni paviedamlałasia, što Kiełah prapanoŭvaŭ zamarozić kanflikt pa biahučaj linii sudakranańnia i prymusić Rasiju i Ukrainu sieści za stoł pieramoŭ.

Kiełah raspracavaŭ svoj płan adnosna Ukrainy razam z Fredam Flajcam, jaki taksama pracavaŭ kiraŭnikom aparata Rady nacyjanalnaj biaśpieki pry Trampie. Pavodle prapanavanaj imi stratehii, ZŠA skazali b Ukrainie, što jana atrymaje bolš amierykanskaj zbroi, tolki kali ŭstupić u mirnyja pieramovy. Adnačasova ZŠA papiaredziać Rasiju, što lubaja admova ad pieramovaŭ pryviadzie da ŭzmacnieńnia padtrymki Ukrainy z boku ZŠA.

Pytańnie siabroŭstva Ukrainy ŭ NATA tym časam budzie źniata z paradku dnia.

Čytajcie taksama:

Tramp abdumvaje ździełku z Rasijaj nakont akupavanych ukrainskich terytoryj — Politico

Daradcy Trampa padali płan spynieńnia vajny Rasii suprać Ukrainy

U płanach Rasii — padzialić Ukrainu na try častki. Voś karta z sakretnaha rasijskaha dakumienta

Ultrapravaja prychilnica teoryj zmovaŭ stanie rehulavać urad ZŠA

Na Zachadzie zadumalisia ab pieradačy Ukrainie jadziernaj zbroi

Kamientary da artykuła