Biznesoŭca z Homiela sudziać pa abvinavačańni ŭ zdradzie dziaržavie i abrazie Łukašenki
Mikałaj Juščanka trymaŭ ułasnuju kramu ŭ Homieli. Jamu pahražaje da 19 hadoŭ kałonii.
Mikałaj Juščanka. Fota ź jahonaj staronki «Ukantakcie»
Hamialčuk Mikałaj Juščanka doŭhi čas maje ŭłasny biznes. Jahonaja firma pradaje haspadarčyja tavary dy ŭpakoŭku.
Sud nad Mikałajem pačniecca 12 śniežnia 2024 hoda ŭ Homielskim abłasnym sudzie. Jaho abvinavačvajuć pa dvuch artykułach — «zdrada dziaržavie» (č. 1 art. 356 KK) i «abraza Łukašenki» (č. 1 art. 368 KK).
Mužčynu pahražaje da 19 hadoŭ kałonii.
Sudzić jaho budzie Vadzim Bobyraŭ. Jon, naprykład, niadaŭna prysudziŭ da vialikich terminaŭ za «zdradu dziaržavie» siamju Procharavych. Ahułam Bobyraŭ asudziŭ pa palityčnych kryminalnych spravach bolš za 20 čałaviek.
Vadzim Bobyraŭ. Fota z sajta zubr.cc