Sajt patrabuje ad «niełajalnych» žycharoŭ Łatvii źjechać u Rasiju
Łatyšskija nacyjanalisty sabrali 8 437 tys. podpisaŭ na adnym zinternet-sajtaŭ z zaklikam da niełajalnych, na ich dumku, žycharoŭ krainy źjechać u Rasiju.
«Łatvija poŭnaja čužych, niepryjaznych, niełajalnych da dziaržavy ludziej, u razumieńni jakich niezaležnaść Łatvii — heta tolki karotkačasovaja pamyłka. Rasijskija ściahi i hieorhijeŭskija stužki na kožnym kroku nahadvajuć, što siarod nas — niebiaśpiečnyja i ahresiŭnyja ludzi. Sa svaimi podpisami my źviartajemsia da tych, dla kaho Łatvija — čužaja. Kali heta nie vašaja kraina i nie vašaja ziamla, źjazdžajcie dadomu!» — napisali aŭtary sajta.
Łatyšskija radykały raniej raźmiaścili ŭ internecie śpis aŭtamabilaŭ, čyje ŭładalniki ŭpryhožyli ich rasijskimi ściažkami abo hieorhijeŭskaj stužkaj. Byli apublikavanyja asabistyja dadzienyja aŭtamabilistaŭ — adrasy i piersanalnyja kody.
Pa hetym fakcie Hienprakuratura respubliki raspačała kryminalnuju spravu.