ZŠA nanieśli ŭdary pa abjektach Isłamskaj dziaržavy ŭ Siryi
Kab bajeviki nie zmahli skarystacca situacyjaj u krainie.
Siły Centralnaha kamandavańnia ZŠA 8 śniežnia praviali dziasiatki dakładnych avijaŭdaraŭ pa viadomych łahierach i bajevikach IDIŁ u centralnaj Siryi.
Amierykanskija VPS parazili bolš za 75 celaŭ. Paviedamlajecca, što niama nijakich prykmiet achviar siarod hramadzianskaha nasielnictva. Kamandavańnie razam z sajuźnikami i partniorami ŭ rehijonie praciahnie pravodzić apieracyi pa źnižeńni apieratyŭnych mahčymaściaŭ IDIŁ navat u hety dynamičny pieryjad u Siryi.
«Nie pavinna być nijakich sumnieńniaŭ — my nie dazvolim IDIŁ adnavicca i skarystacca ciapierašniaj situacyjaj u Siryi. Usie arhanizacyi ŭ Siryi pavinny viedać, što my pryciahniem ich da adkaznaści, kali jany jakim-niebudź čynam buduć supracoŭničać ź IDIŁ abo padtrymlivać jaho», — zajaviŭ kiraŭnik Centralnaha kamandavańnia hienierał Majkł Kuryła.
Prezident ZŠA Džo Bajden u svajoj pramovie z nahody źviaržeńnia režymu Asada zajaviŭ, što Isłamskaja dziaržava pasprabuje skarystacca lubym vakuumam, kab adnavić svaje mahčymaści i stvaryć biaśpiečnuju bazu. Jon paabiacaŭ, što ZŠA hetaha nie dapuściać.
Čytajcie taksama:
Izrail nanios avijaŭdary pa Damasku. I zaniaŭ častku terytoryi Siryi na Hałanskich vyšyniach
Źjaviłasia videa luksavych aŭto z haraža Bašara Asada
MZS Rasii pierastała nazyvać siryjskich paŭstancaŭ terarystami — ciapier kažuć pra apazicyju
Bašar Asad pakinuŭ pasadu prezidenta Siryi i krainu — MZS Rasii
Frydman: Los Asada pakazvaje, što Łukašenku «arešniki» nie dapamohuć