Kandydat u kanclery Hiermanii ad CHDS Frydrych Mierc prybyŭ u Kijeŭ
Lidar apazicyjnaha Chryścijanska-demakratyčnaha sajuza Hiermanii Frydrych Mierc siońnia ranicaj pryjechaŭ u Kijeŭ.
Lidar Chryścijanska-demakratyčnaha sajuza Hiermanii Frydrych Mierc. Fota: Kay Nietfeld / Getty Images
Va ŭkrainskaj stalicy niamiecki palityk pavinien sustrecca z prezidentam Ukrainy Uładzimiram Zialenskim. Zahadzia vizit Mierca nie anansavaŭsia, piša Bild.
Roŭna tydzień tamu ŭ Kijeŭ pryjechaŭ dziejny kancler Ołaf Šolc — pra jahony vizit taksama nie papiaredžvali. Šolc naviedaŭ Ukrainu druhi raz z pačatku poŭnamaštabnaha rasijskaha ŭvarvańnia.
Frydrych Mierc maje namier zmahacca za miesca kiraŭnika ŭrada Hiermanii, jaho vyłučyŭ Apazicyjny błok CHDS/CHSS.
U vypadku pieramohi na vybarach Mierc, pa jaho ŭłasnych słovach, źbirajecca adstojvać intaresy Hiermanii ŭ śfiery źniešniaj palityki i ŭpeŭniena pavodzić siabie ź niadaŭna abranym prezidentam ZŠA Donaldam Trampam.
Čytajcie taksama:
Budučym kancleram Hiermanii moža stać multymiljanier. Što heta budzie značyć dla Jeŭropy?