Śledčyja vyznačyli abstaviny žorstkaha zabojstva, jakoje adbyłosia 16 hadoŭ tamu ŭ Pinsku
Adbyłosia heta dziakujučy novym techničnym mahčymaściam.
Fota: SK
Śledčym upraŭleńniem USK Bresckaj vobłaści ŭstanoŭlenyja abstaviny žorstkaha zabojstva žančyny ŭ Pinsku. Dziakujučy śledčym i novym techničnym mahčymaściam atrymałasia adšukać abvinavačanaha praz 16 hadoŭ, paviedamlaje SK.
U śniežni 2008 hoda žychary adnaho z damoŭ pa vulicy Čyhunačnaj paviedamili ŭ milicyju ab zabojstvie žančyny. Na miesca zdareńnia nieadkładna prybyła milicyja. Na leśvičnaj placoŭcy šmatkvaternaha doma pierad imi paŭstała žudasnaja karcina. Na źniaviečanym ciele 54-hadovaj žančyny vyjaŭlenyja šmatlikija traŭmy hałavy i cieła, u tym liku paškodžańni ŭnutranych orhanaŭ.
Śledčyja pravieryli roznyja viersii zdareńnia. U tym liku adpracavali koła znajomych zahinułaj. Pad padazreńnie trapili troje žycharoŭ Pinska, jakija pražyvali ŭ padjeździe doma, dzie znojdziena cieła žančyny. Ustanoŭlena, što napiaredadni trahiedyi žycharka Pinska piła ź imi. U chodzie śledstva pramych dokazaŭ ich vinavataści nie atrymana. Akramia taho, jany pakazvali, što ŭ kampanii ź imi taksama znachodziŭsia raniej nieznajomy mužčyna.
Ich pakazańni paćvierdzilisia vynikami daśledavańnia kanfiskavanych ź miesca zdareńnia abjektaŭ.
Pry praviadzieńni hienietyčnaj ekśpiertyzy na zapalničcy, niedapałku i plašcy z-pad śpirtnoha znojdzieny hienatyp nieviadomaha mužčyny, jaki źmiaścili ŭ bazu aŭtamatyzavanaj infarmacyjnaj sistemy DNK. Na toj momant supadzieńniaŭ vyjaŭlena nie było, u suviazi z čym praca pa vyśviatleńni asoby fihuranta praciahvałasia.
Vyjści na śled fihuranta ŭdałosia ŭ 2024 hodzie. Pry praviadzieńni pravierki pa ŭliku danych DNK Dziaržaŭnaha kamiteta sudovych ekśpiertyz pa nieraskrytych złačynstvach minułych hadoŭ śpiecyjalisty ŭstanavili supadzieńnie hienatypu, vyjaŭlenaha 16 hadoŭ tamu, z DNK-profilem 42-hadovaha žychara Pinskaha rajona. Nieŭzabavie supracoŭniki milicyi zatrymali mužčynu.
Na pieršym dopycie fihurant staŭ admaŭlać svajo dačynieńnie da ździejśnienaha zabojstva. Śledčym treba było pravieści padrabiazny zbor dokazaŭ. Składanaść u rasśledavańni kryminalnaj spravy i dakazvańni jaho viny składali daŭnaść padziej: śviedki nie mahli ŭspomnić detali taho złaščasnaha viečara, dom, u jakim adbyłosia zabojstva, na siońniašni dzień źniesieny.
Praz 16 hadoŭ pravaachoŭnikam pryjšłosia pa krupinkach adnaŭlać karcinu zabojstva. Padčas dopytaŭ śviedkam pakazvałasia fatahrafija žychara Pinska, pa jakoj jany apaznali mužčynu, jaki ŭ 2008 hodzie raśpivaŭ śpirtnoje ŭ kampanii zahinułaj. Akramia taho, šmatlikija bijałahičnyja ślady, pakinutyja fihurantam, prama pakazvali na toje, što jon byŭ adnym z apošnich, chto kantaktavaŭ z žančynaj.
Paśla pradstaŭleńnia mužčynu šerahu nieabvieržnych dokazaŭ jaho dačynieńnia da złačynstva jon staŭ davać praŭdzivyja i paśladoŭnyja pakazańni.
Mužčyna raspavioŭ, što niedaloka ad Čyhunačnaha vakzała paznajomiŭsia z žančynaj, jakaja prapanavała vypić razam ź jaje znajomymi. Žančyna praviała jaho ŭ kvateru, dzie znachodzilisia mužčyna i dźvie žančyny.
Pad dziejańniem ałkaholu abvinavačany zasnuŭ, a kali pračnuŭsia, u žylli znachodziłasia tolki 54-hadovaja žančyna, ź jakoj jany praciahnuli vypivać. Sa słoŭ abvinavačanaha, vyjšaŭšy na leśvičnuju placoŭku, jon vyrašyŭ ustupić z novaj znajomaj u intymnuju suviaź, ale, atrymaŭšy admovu, udaryŭ jaje pa hałavie, paśla čaho zhvałciŭ. Mužčyna pasprabavaŭ schavać ślady złačynstva i pryčyniŭ achviary traŭmy niesumiaščalnyja z žyćciom.
Svaje słovy abvinavačany paćvierdziŭ padčas praviadzieńnia pravierki pakazańniaŭ na miescy i śledčaha ekśpierymientu. Jon detalova apisaŭ padziei złačynstva, dadajučy novyja, raniej nieviadomyja fakty.
Zhodna z zaklučeńniem stacyjanarnaj kompleksnaj sudovaj psichołaha-seksołaha-psichafizijałohii-psichijatryčnaj ekśpiertyzy ŭ momant ździajśnieńnia złačynstva abvinavačany na jaki-niebudź psichičnym razładam nie pakutavaŭ i moh uśviedamlać faktyčny charaktar i hramadskuju niebiaśpieku svaich dziejańniaŭ.
Pa vynikach rasśledavańnia 42-hadovamu mužčynu vystaŭlena abvinavačvańnie pa šerahu artykułaŭ Kryminalnaha kodeksa:
- č. 3 art. 167 (inšyja dziejańni seksualnaha charaktaru, učynienyja nasupierak voli paciarpiełaj, z užyvańniem hvałtu, jakija pryviali da pryčynieńnia ciažkich cialesnych paškodžańniaŭ);
- č. 3 art. 166 (zhvałtavańnie, jakoje paciahnuła pryčynieńnie ciažkich cialesnych paškodžańniaŭ);
- č. 2 art. 139 (zabojstva, ździejśnienaje z asablivaj žorstkaściu, spałučanaje z hvałtoŭnymi dziejańniami seksualnaha charaktaru i zhvałtavańniem).
Da jaho z sankcyi prakurora prymieniena miera strymańnia ŭ vyhladzie zaklučeńnia pad vartu.
U chodzie vyvučeńnia asoby abvinavačanaha ŭstanoŭlena, što raniej jon byŭ sudzimy za chulihanstva i kradziažy. Niekatory čas chavaŭsia za miažoj. Žanaty, mieŭ pastajannuju pracu na terytoryi Pinskaha rajona.