Biełarus sprabavaŭ ujechać u Litvu z nalepkaj «SSSR» na mašynie. Naiŭny
Mužčyna raźmiaściŭ na łabavym škle savieckuju simvoliku.
Fota: VSAT
Biełarusa nie prapuścili ŭ Litvu praz nalepku na mašynie. 33-hadovy mužčyna sprabavaŭ trapić u susiedniuju krainu praz punkt propusku «Miedniki». Adnak pamiežniki zaŭvažyli na łabavym škle aŭto nalepku z savieckaj simvolikaj.
Jana ŭjaŭlała saboj ściah SSSR u vyhladzie konturaŭ krainy. Publičnaja demanstracyja savieckaj simvoliki ŭ Litvie zabaronienaja zakonam.
Paśla taho jak pamiežniki admovili jamu va ŭjeździe ŭ Litvu, mužčyna viarnuŭsia ŭ Biełaruś na aŭtamabili, paviedamili ŭ pamiežnaj słužbie.
Anałahičnyja vypadki, kali pamiežniki nie prapuskajuć u Litvu aŭtamabili ci navat čyhunačnyja vahony z zabaronienaj savieckaj simvolikaj, adbyvajucca ŭsio čaściej. U vieraśni supracoŭniki pahranatrada nie prapuścili ŭ Litvu 50-hadovaha hramadzianina Rasii, jaki kiravaŭ ciahačom MAN z paŭpryčepam. Na łabavym škle kabiny, na bačnym miescy, była zamacavanaja hieorhijeŭskaja stužka.
Taksama litoŭcy niekalki razoŭ nie prapuskali ŭ krainu čyhunačnyja vahony ź litaraj Z-simvałam rasijskaj ahresii suprać Ukrainy.