Rastoŭskuju vobłaść atakavali 30 dronaŭ i try rakiety, pad udar trapiŭ naftazavod
Pavodle słoŭ v.a. hubiernatara Rastoŭskaj vobłaści Juryja Ślusara, sistemy SPA pracavali nad haradami Batajsk, Tahanroh, Šachty, Kamiensk, Milerava i Navašachcinsk.
Ślusar śćviardžaje, što bolšuju častku pavietranych celaŭ źbili, ale ŭ vyniku ataki zahareŭsia Navašachcinski naftapierapracoŭčy zavod.
Rastoŭskija telehram-kanały ŭnačy publikavali videa z padpalenym zavodam. Miascovyja žychary raspaviadali pra vialikuju kolkaść vybuchaŭ.
Da 06:45 pa miascovym časie pažar na NPZ patušyli, napisaŭ Ślusar. Jon dadaŭ, što jość adzin paciarpieły praz padzieńnie abłomkaŭ źbitych dronaŭ. Čynoŭnik nie ŭdakładniŭ, u jakim mienavita nasielenym punkcie paciarpieŭ čałaviek.
Navašachcinski NPZ — najbujniejšy naftapierapracoŭčy zavod na poŭdni Rasii i adziny ŭ Rastoŭskaj vobłaści. Jon moža pierapracavać da 7,5 miljonaŭ ton nafty ŭ hod. NPZ atakujuć nie pieršy raz. U červieni zavod prypyniaŭ pracu paśla ataki dronaŭ.
Da hetaha zavod atakavali ŭ sakaviku 2024 hoda, u mai 2023 hoda i červieni 2022 hoda.