U rasijskaj Tule haryć vajskovy špital dla desantnikaŭ
Pryčyny pažaru nieviadomyja. Pra paciarpiełych nie paviedamlałasia.
U Tule zahareŭsia budynak pa adrasie: vulica Savieckaja, 15. Uzharańnie adbyłosia na trecim paviersie. Pa hetym adrasie znachodzicca 39-y asobny miedycynski atrad Pavietrana-desantnych vojskaŭ.
Telehram-kanał «112» paviedamlaje, što ŭ vajskovym špitali pravodziać evakuacyju.
Płošča pažaru składaje 1 tys. kv. m. Infarmacyi pra paciarpiełych pakul niama.
Budynak haryć užo niekalki hadzin i, chutčej za ŭsio, vyharyć całkam — ahoń achapiŭ usie pavierchi i dach.
Ratavalniki śpiecyjalna abrynuli ŭ budynka špil, kab jon nie ŭpaŭ na vulicu.