BIEŁ Ł RUS

«Takoha viaźnia niama». Ciažkachvoraha palitviaźnia katujuć u kałonii pad Viciebskam

13.01.2025 / 18:12

Viera Biełacarkoŭskaja

«Našaj Nivie» stała viadoma, što ciažkachvoraha palitviaźnia Dzianisa Salmanoviča dva miesiacy nie vypuskajuć z ŠIZA. Maci Salmanoviča kažuć, što «takoha viaźnia niama».

Dzianis Salmanovič. Fota: spring96.org

U vieraśni 2022-ha Salmanoviču prysudzili 10 hadoŭ źniavoleńnia. Ich 33-hadovy mužčyna adbyvaje ŭ kałonii №3, što ŭ pasiołku Vićba.

Jak raskazała Halina, maci palitviaźnia, Dzianis i raniej nieadnojčy traplaŭ u ŠIZA, ale jaho termin tam nikoli nie pieravyšaŭ 14 sutak. Ciapier ža mužčynu trymajuć u ŠIZA ŭžo dva miesiacy, i ŭ jaho maci jość infarmacyja, što ŭ bližejšy čas vypuskać palitviaźnia nie źbirajucca.

Pry hetym Dzianis maje ciažkija chraničnyja chvaroby. Niadaŭna jamu vydalili žoŭcievy puchir, taksama ŭ jaho vialikija prablemy z nyrkami.

Halina zvaniła ŭ kałoniju, kab spytać pra syna, ale joj adkazali, što «takoha viaźnia niama».

«U mianie bolš niama sił. Ja chaču kryčać, kab kiraŭnictva kałonii spyniła katavańni nad našymi svajakami!» — kaža maci palitviaźnia.

Čytajcie taksama:

Były aficer abiacaŭ chłopcam u kałonii, što vyzvalić ich. Ale novaja realnaść Biełarusi jaho šakavała

«Adsiadzieŭ za syna 40 sutak». Rabočy MTZ adčuŭ siabie čałaviekam u 2020-m. Voś jak skłałasia jaho žyćcio dalej

«Vy ž sami razumiejecie». Horki manałoh biełaruskaha nastaŭnika

Kamientary da artykuła