Volkswagen uśled za inšymi viadomymi aŭtavytvorcami paviedamiŭ pra padzieńnie prodažaŭ
Prodažy Volkswagen u 2024 hodzie ŭpali na 2,3% i skłali krychu bolš za 9 miljonaŭ aŭtamabilaŭ. Pryčyna ŭ tym, što vytvorca sprabuje skaracić vydatki na ŭnutranym rynku i viadzie cenavuju vajnu ŭ Kitai, svaim najbujniejšym rynku, paviedamlaje Reuters.
Ilustracyjnaje fota: vw.com
Prodažy Volkswagen u Hiermanii ŭpali na 2,2%, a ŭ Kitai — na 10%.
Adnak prodažy elektramabilaŭ na batarejkach u Kitai pakazali lepšyja vyniki, pavialičyŭšysia na 8% u paraŭnańni z padzieńniem na 3,4% va ŭsim śviecie.
Danyja ab prodažach ad viadučych aŭtavytvorcaŭ Hiermanii, uklučajučy Mercedes-Benz, BMW i Porsche, pakazali, što ŭ 2024 hodzie jany paciarpieli niaŭdaču doma i Kitai, pakolki bolš zamožnyja spažyŭcy ŭstrymlivalisia ad pakupak va ŭmovach niestabilnaj ekanomiki i bolš nizkich, čym čakałasia, prodažaŭ elektramabilaŭ.
Prodažy lehkavych aŭtamabilaŭ Skoda i SEAT/CUPRA pierasiahnuli pakazčyki Volkswagen, pakazaŭšy rost prykładna na 7% u paraŭnańni z padzieńniem na 1,4% u adnajmiennaj marki.
U hetym hodzie Volkswagen vypuskaje jašče 30 madelaŭ pa ŭsioj hrupie i paviedamlaje, što abjom zakazaŭ U Zachodniaj Jeŭropie vyras prykładna na 88% u hadavym vyličeńni za košt takich novych madelaŭ, jak VW ID.7 Tourer, Audi Q6 e-tron i Porsche Macan Electric.