Cichanoŭskaja abmiarkuje vybary ŭ Biełarusi ź ministrami zamiežnych spraŭ krain ES, a taksama ŭ Davosie
Niefarmalnuju sustreču ź ministrami zamiežnych spraŭ krain Jeŭrasajuza praviadzie 26 studzienia ŭ Brusieli demakratyčnaja lidarka Śviatłana Cichanoŭskaja, paviedamiŭ «Pozirku» jaje hałoŭny savietnik Franak Viačorka.
Śviatłana Cichanoŭskaja. Fota: tsikhanouskaya / Telegram
Sustreču arhanizuje viarchoŭny pradstaŭnik ES pa zamiežnych spravach i palitycy biaśpieki Kaja Kałas, havorka budzie iści ab nielehitymnych vybarach u Biełarusi, adznačyŭ Viačorka.
Akramia hetaha, pavodle jaho słoŭ, ab elektaralnaj kampanii ŭ Biełarusi Cichanoŭskaja budzie havaryć na Suśvietnym ekanamičnaj forumie ŭ šviejcarskim Davosie (20—24 studzienia) i na pres-kanfierencyi ŭ Brusieli 27 studzienia. U hety ž dzień palityk praviadzie «niekalki dvuchbakovych sustreč vysokaha ŭzroŭniu».
Čakajecca, što 22 studzienia Jeŭrapiejski parłamient prymie rezalucyju pa vybarach u Biełarusi i padtrymcy demakratyčnych sił.
Pavodle źviestak Viačorki, 23—24 studzienia rezalucyju prymie Sienat Polščy, 27—31 studzienia — Parłamienckaja asambleja Savieta Jeŭropy (PASIE). «Biełaruski demakratyčny bok upieršyniu voźmie ŭdzieł u pracy asamblei», — adznačyŭ Viačorka.