U Lidzie źnik pamiatny kamień z mahiły ksiandza-paŭstanca
Napiaredadni 162-j hadaviny pačatku paŭstańnia 1863 hoda nieviadomyja vykrali ŭ Lidzie pamiatny kamień z mahiły ksiandza Adama Falkoŭskaha, rasstralanaha ŭładami carskaj Rasii, paviedamiła vydańnie Znadniemna.pl.
Mahiła ksiandza Adama Falkoŭskaha. Fota: Naša Niva
«Pra bluźnierski ŭčynak redakcyi paviedamili čytačy ź Lidy, jakija žadali ŭskłaści kvietki i zapalić śviečki na simvaličnaj mahile ajca Falkoŭskaha ŭ hadavinu pačatku paŭstańnia. Pa słovach našych infarmataraŭ, vosieńniu minułaha hoda kamień jašče stajaŭ na miescy, pakolki ŭ Dzień paminańnia pamierłych palaki zapalvali pobač ź im śviečki», — piša Znadniemna.pl.
Hod tamu, u pačatku studzienia 2024 hoda, chtości ŭžo sprabavaŭ apahanić pomnik, ścioršy vyhraviravany na kamieni hierb «studzieńskich paŭstancaŭ Litvy i Biełarusi».
Ksiondz Adam Falkoŭski byŭ źmieščany carskimi ŭładami ŭ turmu i prysudžany da śmiarotnaha pakarańnia za toje, što padčas paŭstańnia 1863 hoda začytaŭ manifiest paŭstancaŭ i zaklikaŭ svaich viernikaŭ dałučycca da paŭstańnia.
Falkoŭski byŭ rasstralany 24 červienia 1863 hoda ŭ Lidzie.
Čytajcie taksama:
Cichanoŭskaja ŭšanavała pamiać udzielnikaŭ paŭstańnia Kastusia Kalinoŭskaha
Ahnieška Ramašeŭskaja: Škada, što my nie ŭziali kamunistaŭ za mordu
Ukraina raźmiaściła na miažy ź Biełaruśsiu baniery z adsyłkaj da Słuckaha paŭstańnia FOTAFAKT