Kiroŭca maršrutki vysadziŭ žančynu z trochhadovym dziciom, bo jana apłaciła prajezd tolki za siabie. Ci zakonna heta?

Z takim pytańniem u redakcyju homielskaha vydańnia «Mocnyja naviny» źviarnułasia padpisčyca. Pa jaje słovach, žančyna trymała maleču na rukach, ale kiroŭca admoviŭsia jechać dalej, pakul pasažyrka z maleńkim dziciom nie vyjšła z mašyny.

«Mocnyja naviny» źviarnulisia pa kamientar u «Homielabłpasažyrtrans», dzie im patłumačyli, što ŭ hetym vypadku kiroŭca maje racyju, bo maršrutnaje taksi — heta niedziaržaŭnaja forma majomaści.

Praviły pieravozki pasažyraŭ maršrutčyki prapisvajuć dla siabie samastojna i nie abaviazanyja biaspłatna pravozić dziaciej.

Kali vy prajechali ŭ maršrutcy ź dziciom na rukach i zapłacili tolki za siabie, značyć, kiroŭca prosta zrabiŭ vam takuju łasku.

Kamientary da artykuła