Tramp abviaściŭ pra stvareńnie miehaprajekta pa raźvićci štučnaha intelektu. U kampaniju ŭkładuć paŭtryljona dołaraŭ
Try viadučyja technałahičnyja kampanii ZŠA abjavili ab stvareńni novaha prajekta pad nazvaj Stargate dla raźvićcia infrastruktury štučnaha intelektu ŭ ZŠA.
Fota: AP Photo / Julia Demaree Nikhinson
Pra novy ambicyjny prajekt u Biełym domie 21 studzienia abviaścili prezident ZŠA Donald Tramp, zasnavalnik japonskaha kanhłamieratu SoftBank Masajošy Son, hiendyrektar OpenAI Sem Altman i zasnavalnik Oracle Łary Elisan.
Udzielniki pieršapačatkova ŭkładuć u prajekt $100 młrd, a za čatyry hady majuć namier davieści jaho finansavańnie da $500 młrd. Pa słovach Trampa, čakajecca, što Stargate stvoryć 100 tys. pracoŭnych miescaŭ u ZŠA.
Pa słovach prezidenta ZŠA, Stargate budzie stvarać «fizičnuju i virtualnuju infrastrukturu dla nastupnaha pakaleńnia štučnaha intelektu».
U zajavie Oracle havorycca, što prajekt Stargate «zabiaśpiečyć amierykanskaje liderstva ŭ vobłaści ŠI, stvoryć sotni tysiač amierykanskich pracoŭnych miescaŭ i pryniasie vielizarnuju ekanamičnuju vyhadu ŭsiamu śvietu».
Staršynioj rady dyrektaraŭ Stargate staŭ Masajošy Son z SoftBank. Pieršymi technałahičnymi partniorami kampanii stali Arm, Microsoft, NVIDIA, Oracle i OpenAI.