U piacidziesiacihradusny maroz u vioscy ŭ Sibiry źnikła aciapleńnie
Na poŭnač Krasnajarskaha kraja ŭ Rasii pryjšli 50-hradusnyja marazy, i žychary vioski Chatanha ŭ takoje nadvorje zastalisia biez aciapleńnia. Kab sahrecca, jany apranajuć try słai adzieńnia, ale i heta nie ratuje. Pa ich słovach, u niekatorych damach praz choład vada zamierzła prosta va ŭnitazie, piša TVK
U kvatery +4
Žychary Chatanhi raspaviali TVK, što mierznuć u svaich damach praz prablemy ź miascovaj kacielniaj. Jana adna abahravaje ŭvieś nasieleny punkt za palarnym kołam. Tempieratura pavietra ŭ niekatorych kvaterach dasiahaje ŭsiaho +4°C.
Pa słovach viaskoŭcaŭ, truby z haračym i chałodnym vodazabieśpiačeńniem pačali pieramiarzać jašče 17 studzienia. Niekatoryja žychary chodziać pa domie ŭ valonkach i puchavikach. Chtości sprabuje sahrecca z dapamohaj elektraabahravalnikaŭ.
Žychary źviarnulisia da hubiernatara Krasnajarskaha kraju Michaiła Kaciukova ŭ jaho telehram-kanale. Jany paviedamili, što takaja situacyja ŭ ich nie ŭpieršyniu. U kamientarach im adkazaŭ pradstaŭnik administracyi Tajmyrskaha akruhi.
Pavodle aficyjnych źviestak, prablema ŭźnikła 19 studzienia z-za panižeńnia cisku ŭ sistemie centralizavanaha ciepłazabieśpiačeńnia. Akramia taho, ułady zajaŭlajuć, što jaho ŭžo adnavili. Ale, pavodle paviedamleńniaŭ miascovych žycharoŭ, ciapło ŭ damy pakul nie viarnułasia.