Palitviaźniu, zatrymanamu paśla viartańnia z-za miažy, uzmocniać pakarańnie

Alaksiej Reźnikaŭ ź Viciebska adbyvaje termin u babrujskaj kałonii № 2. Pa infarmacyi pravaabaroncaŭ, 22 studzienia ŭ Babrujsku adbyvajecca sud pa zamienie Alaksieju režymu ŭtrymańnia na turemny. Rašeńnie budzie prymać sudździa Dźmitryj Śvirydaŭ.

U žniŭni 2022 hoda Alaksieju Reźnikavu prysudzili 4,5 hady kałonii za pasty i reposty ŭ sacsietcy «VKontaktie» pavodle piaci kryminalnych artykułaŭ.

Viadoma, što Alaksiej pracavaŭ raniej za miažoj, ale z-za ciažkaha stanu jahonaj maci jon viarnuŭsia dadomu, dzie i byŭ zatrymany. Praz try dni paśla aryštu syna jahonaja maci pamierła, mužčyna zastaŭsia biez svajakoŭ. U 2022 hodzie jaho ŭnieśli ŭ śpis «asob, jakija majuć dačynieńnie da terarystyčnaj dziejnaści».

Kamientary da artykuła