Usio bolš par rehistrujuć svaje šluby z cyrymonijaj pa-biełarusku
U 2024 hodzie ŭ Biełarusi było zarehistravana bolš za 32,6 tysiačy šlubaŭ va ŭračystaj abstanoŭcy, što na 7 tysiač mienš, čym u 2023 hodzie. Ale pry hetym usio bolš par addajuć pieravahu praviadzieńniu cyrymonij na biełaruskaj movie z vykarystańniem elemientaŭ tradycyjnaha biełaruskaha viasiella, paviedamiła Ministerstva justycyi.
Fota ilustracyjnaje. Krynica: sacyjalnyja sietki
Miniust adznačaje, što ŭsio bolš u modu ŭvachodzić praviadzieńnie ŭračystaściaŭ pa indyvidualnych scenaryjach. Hetyja scenaryi ŭličvajuć žadańni ŭdzielnikaŭ i nadajuć padziei asablivy charaktar.
Siarod cikavych cyrymonij vyłučajuć «Višniovaje viasielle» na «Višniovym fiestyvali» ŭ Hłybokim, «Žuraŭlinaje viasielle» na śviacie «Žuraŭli i žuraviny» ŭ Miorskim krai, a taksama tematyčnuju cyrymoniju «VIP-Luks. Ludzi ŭ čornym», dzie hości i ŭdzielniki mieli admysłovy dres-kod.
Akramia taho, orhany ZAHSa praviali bolš za 1,7 tysiačy jubilejnych mierapryjemstvaŭ, uklučajučy «załatyja» i «srebnyja» viasielli.
Čytajcie taksama:
«Usio, možacie vinšavać»: śpiavačka i błohierka Lera Jaskievič vyjšła zamuž FOTA
«Naš samy sałodki dzień». Maryja Vasilevič apublikavała FOTY ź viasiella
Biełarus padaryŭ brytancy ružy — taja nie viedaje, jak heta razumieć
U Homielskaj vobłaści zhulali viasielle 15-hadovaja dziaŭčyna i 16-hadovy junak
Na Homielščynie para raźviałasia, pražyŭšy ŭ šlubie bolš za 50 hadoŭ