Dziaržprapahanda vydała tradycyjnuju dla ZŠA praceduru za źmienu pazicyi pa vybarach u Biełarusi. Nasamreč ničoha nie mianiajecca
U dziaržaŭnych ŚMI ŭ Biełarusi z radaściu aktyŭna abmiarkoŭvajuć fakt «vydaleńnia» z sajta Dziarždepartamienta ZŠA zajavy byłoha dziaržaŭnaha sakratara Entani Blinkiena ab situacyi ŭ Biełarusi, usprymajučy heta jak źmienu pazicyi ZŠA. Ale na samaj spravie tut sprava tolki ŭ biurakratyčnych pracedurach, tłumačyć «Pozirk».
Archivavanaja na sajcie Dziarždepartamienta ZŠA zajava byłoha dziaržsakratara Entani Blinkiena pa vybarach u Biełarusi. Skrynšot: «Pozirk»
Prapahandysty adznačajuć, što «na staroncy, dzie raniej była apublikavanaja zajava, ciapier vyśviatlajecca nadpis: «Prynosim prabačeńni za niazručnaści». Sam tekst z asudžeńniem vybaraŭ u Biełarusi byŭ vydaleny».
Pry hetym, naprykład, kanał ANT, acharaktaryzavaŭšy zajavu Blinkiena jak «umiašańnie ŭ budučyja vybary prezidenta Biełarusi», zajaviŭ, što «padobnaje nachabstva nie stali tryvać navat u administracyi Donalda Trampa. Ciapier, kali pasprabavać pierajści na staronku Dziarždepu ZŠA, dzie było apublikavanaje «asabliva kaštoŭnaje mierkavańnie» Blinkiena pa pytańni vybaraŭ u Biełarusi, to zamiest pafasnaha zahałoŭka z asudžalnymi pramovami dziaržsakratara karystalnikaŭ sustrakaje saramlivaje «Prynosim prabačeńni za niazručnaści…».
Na samaj spravie prapahanda (naŭmysna ci nie) ihnaruje tekst, jaki idzie paśla infarmacyi pra vybačeńni:
«My stvarajem archiŭ sajta State.gov u kancy kožnaj prezidenckaj administracyi. Heta standartnaja praktyka z momantu zakančeńnia administracyi Klintana ŭ 2001 hodzie. Kali patrebny vam materyjał adnosicca da papiaredniaj administracyi, vy možacie skarystacca pošukam pa našych archiŭnych sajtach».
Takim čynam, zajava Blinkiena pa Biełarusi, roŭna jak i inšyja dakumienty sa studzienia 2021-ha pa studzień 2025 hoda, dastupnyja na archiŭnym sajcie. U pryvatnaści, zhadany dakumient znachodzicca pa spasyłcy.
Čytajcie taksama:
Cichanoŭskaja — Trampu: Biełaruski narod źjaŭlajecca sajuźnikam ZŠA