Fota vypusknikoŭ minskaj škoły pradajuć za 11 tysiač rubloŭ
Zdymak vypusknikoŭ minskaj škoły 1962 hoda vystaŭleny na aŭkcyjonie z nadzvyčaj vysokim startam — 11 tysiač rubloŭ. Na fota — vučni 10 kłasa 2-j siaredniaj škoły Minska i ich nastaŭniki, piša smartpress.by.
Asablivuju ŭvahu da łota pryciahvaje toj fakt, što siarod vypusknikoŭ jość Natalla Mašerava — dačka Piatra Mašerava, pieršaha sakratara CK KPB, jaki kiravaŭ respublikaj z 1965 pa 1980 hod.
Aŭtar abjavy miarkuje, što na zdymku mohuć być i inšyja viadomyja asoby, zhadvajučy taksama pra značnaść piedahohaŭ, jakija pracavali ŭ škole na vulicy Čyrvonaarmiejskaj, dzie, pa jaho słovach, navučalisia dzieci z elity.
Cikava, što łot vystaŭleny chutčej dla pryciahnieńnia ŭvahi i pošuku Natalli Piatroŭny Mašeravaj, čym dla realnaha prodažu. Uładalnik fatahrafii spadziajecca pahavaryć ź joj pra tyja časy. Takaja vysokaja startavaja cana, vierahodna, źjaŭlajecca tolki markietynhavym chodam.
Dla paraŭnańnia, bolšaść padobnych zdymkaŭ, pradstaŭlenych na płatformie, aceńvajucca ŭ značna bolš ścipłyja sumy — da 10 rubloŭ.