Łukašenka padpisaŭ ukaz, jaki tyčycca Minabarony i Hienštaba
Alaksandr Łukašenka padpisaŭ ukaz, jakim udakładniajucca pałažeńni ab Ministerstvie abarony i Hienieralnym štabie Uzbrojenych Sił. Zroblena heta «ŭ metach pryviadzieńnia ŭkaza 2006 hoda ŭ adpaviednaści z vajennaj daktrynaj», paviedamlaje jaho presavaja słužba.
Funkcyi Minabarony dapoŭnieny pałažeńniami pa realizacyi va US mierapryjemstvaŭ pa patryjatyčnym vychavańni. Fota: Minabarony
Jak piša pres-słužba Łukašenki, funkcyi Minabarony dapoŭnieny pałažeńniami pa realizacyi va US mierapryjemstvaŭ pa patryjatyčnym vychavańni, a taksama pa aśviatleńni ŭ ŚMI dziejnaści US.
Akramia taho, udakładniajecca skład kalehii Minabarony — jak mienavita, padrabiaznaściaŭ niama.
Funkcyi Hienštaba dapoŭnieny pałažeńniem pa «kaardynacyi dziejnaści siłavoha kampanienta vajennaj arhanizacyi dziaržavy pa pytańniach zabieśpiačeńnia vajennaj biaśpieki i ŭzbrojenaj abarony», paviedamlaje pres-słužba. Što za hetym staić, nie ŭdakładniajecca.