Kreml adkazaŭ na zajavu Takiera Karłsana ab zamachu na Pucina
Kreml prakamientavaŭ zajavu amierykanskaha televiadoŭcy Takiera Karłsana ab zamachu na prezidenta Rasii Uładzimira Pucina.
Takier Karłsan i Uładzimir Pucin. Skryn videa kremlin / YouTube
Pres-sakratar Pucina Dźmitryj Piaskoŭ paviedamiŭ, što rasijskija śpiecsłužby «prymajuć usie nieabchodnyja miery dla biaśpieki kiraŭnika dziaržavy». Jaho słovy cytuje «Interfaks».
Piaskova paprasili prakamientavać słovy Karłsana ab tym, što zamach na Pucina rychtavała administracyja byłoha prezidenta ZŠA Džo Bajdena. Kreml admoviŭsia pradmietna abmiarkoŭvać hetuju temu i zhadvać Vašynhton, jak vynikaje z paviedamleńniaŭ rasijskich infarmahienctvaŭ.
Pra padrychtoŭku zamachu na Pucina administracyjaj Bajdena były viadoŭca kanała Fox Karłsan zajaviŭ u apošnim vypusku svajho padkasta. Jon nie paviedamiŭ nijakich detalaŭ i nie nazvaŭ krynic svajoj infarmacyi, ale acharaktaryzavaŭ mahčymuju padrychtoŭku jak «šalenstva». Karłsan nie ŭdakładniŭ, ci viedaŭ ab mahčymych płanach sam Bajden.
Vašynhton jaho zajavu nie kamientavaŭ.