U Viciebsku buduć budavać akvapark
Staršynia Viciebskaha harvykankama Alaksiej Hierojeŭ paviedamiŭ, što na miescy byłych płoščaŭ zavoda «Viciaź» užo pačalisia demantažnyja raboty, a paśla tam źjavicca nie prosta akvapark, a ceły kompleks z hatelem i trenažornaj załaj.
Fota ilustracyjnaje
«U nas źjaviŭsia inviestar. Ź im praviali sustreču, vyznačyli abjomy, terminy. Stvoranyja ŭsie ŭmovy dla realizacyi hetaha prajekta. Užo idzie rekanstrukcyja budynka. Dumaju, pa zakančeńni nastupnaha hoda ŭžo buduć bačnyja peŭnyja vyniki», — skazaŭ staršynia Viciebskaha harvykankama Alaksiej Hierojeŭ.
U jakaści terminu realizacyi zadumanaha paznačany pieryjad kala dvuch hadoŭ.
Placoŭku pad abjekt užo vyznačyli — horki i basiejny raźmieściacca pobač z parkam 1000-hodździa Viciebska, na byłoj terytoryi zavoda «Viciaź».
Pra mahčymaść źjaŭleńnia abjekta ŭ Viciebsku zahavaryli jašče vosieńniu minułaha hoda. Tady stała viadoma, što dla realizacyi prajekta inviestary vykupili dva vytvorčyja karpusy zavoda i pačali pravodzić demantaž.
Kali płany miascovych uładaŭ ździejśniacca, to Viciebsk stanie trecim abłasnym centram paśla Minska i Hrodna, u jakim pabudujuć akvapark.
Akramia taho, u Biełarusi takija abjekty jość ciapier taksama ŭ Žłobinie, Maładziečnie, Kobrynie, Pružanach i ahraharadku Aziory pad Hrodnam.
Čytajcie taksama:
U Minsku śviatar aśviaciŭ akvapark z 10-mietrovaha tramplina