Dyrektara rečyckaha pradpryjemstva, jakoha zatrymlivali z kajdankami, vypuścili na volu
Jak paviedamiła krynica vydańnia «Fłahštok», źviazanaja ź dziejnaściu Rečyckaha mietyznaha zavoda, 29 studzienia kiraŭnik pradpryjemstva Viktar Samončyk, jakoha raniej nibyta zatrymali siłaviki, užo prysutničaŭ na pracoŭnym miescy.
Dyrektar RMZ źleva. Fota ilustracyjnaje. Krynica: rmz.by
«Dyrektar byŭ na pracy, navat demanstratyŭna naviedvaŭ cechi. Što było padstavaj dla zatrymańnia, dakładna nichto nie viedaje. Na ŭzroŭni čutak pahavorvajuć pra finansavyja spravy, bo rabotnika z buchhałteryi taksama vazili na dopyt», — paviedamiła krynica.
«Fłahštok» patelefanavaŭ na pradpryjemstva. U pryjomnaj adkazali, što dyrektara ŭ kabiniecie niama, ale na zavodzie jon prysutničaje.
Miž tym publičnaha asprečvańnia faktu zatrymańnie kiraŭnika bujnoha pradpryjemstva siłavymi orhanami pakul što z boku kiraŭnictva zavoda i dziaržaŭnaha ŚMI nie było.
Čytajcie taksama:
Kiraŭnika kryminalnaj milicyi Klimavičaŭ aryštavali za chabar. Pahražaje da 15 hadoŭ
Hienprakuror Švied anansavaŭ novyja hučnyja kryminalnyja spravy pa karupcyi