U kałonii pad Viciebskam skončyŭ žyćcio samahubstvam hramadzianin Rasii
Jon byŭ asudžany pa narkatyčnym artykule, piša «Homielskaja Viasna».
U kałonii «Vićba-3» naprykancy śniežnia skončyŭ žyćcio samahubstvam 50-hadovy hramadzian Rasii.
Jon byŭ asudžany pa narkatyčnym artykule na 16 hadoŭ źniavoleńnia. Na načnoj praviercy mužčynu nie daličylisia kantralory, pačali šukać i znajšli miortvym u letniaj sušyłcy dla bializny.
Jak paviedamlajuć pravaabaroncy, mužčynu niadaŭna admovili ŭ pieravodzie na terytoryju Rasii dla adbyćcia pakarańnia, choć raniej heta davoli časta praktykavałasia. Sprava ŭ tym, što ŭ Rasii asudžanyja pa takim artykule majuć prava na ŭmoŭna-daterminovaje vyzvaleńnie ci inšyja palohki.
Byłyja źniavolenyja «Vićby-3» śćviardžajuć, što tolki za 2024 hod u kałonii pamierli nie mienš za try viaźni. Heta adbyvałasia praz adsutnaść naležnaj dyjahnostyki zachvorvańniaŭ i lačeńnia.