«Doŭha źbirałasia z dumkami, kab udžalicca hetaj štukaj»: Hanna Bond pačała kałoć «Azempik». Ale nie kab pachudzieć

Błohierka Hanna Bond rastłumačyła instahram-padpisčykam pryčyny takoha rašeńnia.

Skrynšot videa ŭ tyktoku

Hanna paviedamiła, što «Azempik» (preparat dla lačeńnia cukrovaha dyjabietu, jaki mnohija vykarystoŭvajuć dla pachudzieńnia) joj paraiŭ endakrynołah.

— Ja heta rablu pa pryznačeńni endakrynołaha, kab źnizić uzrovień cukru ŭ kryvi, jaki ja sprabuju biespaśpiachova źnizić samastojna. I taksama treba źmienšyć insulinavuju panel.

Pieršaj injekcyi Hanna pryśviaciła asobny ryłs. Kaža, było vielmi strašna — rašałasia jana na heta niekalki miesiacaŭ. Ale bolš za ŭsio jaje ŭraziła vielizarnaja instrukcyja da lekaŭ:

— Hetaj instrukcyjaj, mnie zdajecca, možna vohnišča raspalić.

Błohierka paabiacała dalej raspaviadać pra dynamiku i pabočnyja efiekty ŭ lačeńni.

Niechta z kamientataraŭ pačaŭ sumniavacca, što biełaruski miedyk sapraŭdy moh pryznačyć niezarehistravany na terytoryi krainy preparat. Hanna adkazała:

— «Siemavik» (heta rasijski anałah «Azempiku» — «NN») zarehistravany, ale doktarka skazała: kali jość mahčymaść, to dastańcie «Azempik». Na zdaroŭi nie ekanomiać, ja dastała.

«Azempik» Hańnie ŭ Biełaruś pryvieźli siabry. Błohierka kaža, što za dva šprycy zapłaciła 1300 rubloŭ.

Kamientary da artykuła