Milej idzie za prykładam Trampa i vyvodzić Arhiencinu z SAAZ
Arhiencina abjaviła pra vychad z Suśvietnaj arhanizacyi achovy zdaroŭja, piša CNN.
Prezident Arhienciny Chaŭjer Milej vystupaje na Suśvietnym ekanamičnym forumie ŭ Davosie. 17 studzienia 2025 hoda. Fota: Getty Images
Prezident Arhienciny Chaŭjer Milej daručyŭ ministru zamiežnych spraŭ Chierarda Viertchiejnu zapuścić praces vychadu krainy z Suśvietnaj arhanizacyi achovy zdaroŭja. Pra heta zajaviŭ aficyjny pradstaŭnik palityka Manuel Adorni.
«My, arhiencincy, nie dazvolim mižnarodnaj arhanizacyi ŭmiešvacca ŭ naš suvierenitet, tym bolš u pytańni achovy zdaroŭja», — zajaviŭ jon.
Raniej pra vychad ZŠA z SAAZ 21 studzienia, u pieršy ž dzień paśla viartańnia ŭ Bieły dom zajaviŭ prezident ZŠA Donald Tramp. Na dumku novaha prezidenta ZŠA, jahonaja kraina płacić arhanizacyi zanadta šmat hrošaj u paraŭnańni ź inšymi. Tady ž Tramp padpisaŭ ukaz ab vychadzie ZŠA z Paryžskaha pahadnieńnia ab klimacie.
Čytajcie taksama:
Milej: «Zachodni śviet u niebiaśpiecy, bo jon idzie da sacyjalizmu»
Arhiencinski cud. Jak Milej utajmavaŭ inflacyju mienš čym za hod
Što adbyłosia z ekanomikaj Arhienciny za šeść miesiacaŭ pracy novaha prezidenta
Prezident Arhienciny sustreŭsia z papam Franciškam, jakoha jon nazyvaŭ imbiecyłam