Łukašenka zajaviŭ pra ŭzmacnieńnie paŭnamoctvaŭ miascovaj ułady ŭ dačynieńni da pryvatnaha siektara
Alaksandr Łukašenka nastojvaje na ŭzmacnieńni paŭnamoctvaŭ miascovaj ułady ŭ dačynieńni da pryvatnaha siektara. Adpaviednuju zajavu jon zrabiŭ 6 lutaha na naradzie pa pytańniach udaskanaleńnia pravavoha rehulavańnia statusu staršyni vykankama bazavaha ŭzroŭniu, piša BiełTA.
Fota: Ali Cura Anadolu via Getty Images
«Ja staviŭ pytańnie, jakoje było vielmi nieadnaznačna ŭspryniata niekatorymi katehoryjami hramadzian, — ab adkaznaści staršyniaŭ vykankamaŭ bazavaha ŭzroŭniu za kiravańnie pa ŭsich napramkach, u tym liku i pryvatnym siektaram. A to ŭ nas atrymlivajecca, što pryvatnik — heta naohuł nie dziaržava, heta dziaržava ŭ dziaržavie.
A ŭ toj ža čas my na pryvatnika vielmi raźličvajem, i ich rolu, asabliva ŭ vytvorčaści, taksama budzie pavyšana. Nu tak staršynia rajvykankama pavinien pa asnoŭnym svaim funkcyjanale kiravać, patrabavać i nieści adkaznaść adnolkava jak za pryvatny, tak i za dziaržaŭny siektar. I heta tyčycca pierš za ŭsio kadraŭ», — zajaviŭ Łukašenka.
«Heta žorstkaje majo patrabavańnie. Ad hetaha nichto nie pavinien sychodzić, razvažajučy i lapajučy jazykom pra niejki libieralizm. U nas sioj-toj jašče nie najeŭsia hetaha libieralizmu», — zaŭvažyŭ Alaksandr Łukašenka.
Jon nahadaŭ, što idzie Hod dobraŭparadkavańnia i piacihodka jakaści. Asnoŭnaja nahruzka pry realizacyi pastaŭlenych zadač kładziecca na rehijony i ich kiraŭnikoŭ.
«I što, staršynia rajvykankama budzie chadzić kłaniacca da kiraŭnikoŭ pryvatnaha siektara, kab jany, da prykładu, hetyja zadačy vyrašali? Rašeńni vykanaŭčaha kamiteta i staršyni vykankama pavinny być kančatkovymi i abmierkavańniu nie padlahać. U płanie funkcyjanału, jaki kładziecca na ich», — zaznačyŭ Łukašenka.