U Homieli pavodle dvuch artykułaŭ buduć sudzić studenta ŭniviersiteta imia Skaryny
Na 20 lutaha ŭ Homielskim abłasnym sudzie zapłanavany pačatak razhladu kryminalnaj spravy ŭ dačynieńni da Daniły Čybisava.
Jamu inkryminavanyja č. 3 art. 361 KK (zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Biełarusi) i č. 1 i 2 art. 361-4 KK (sadziejničańnie ekstremisckaj dziejnaści). Praces pryznačany vieści sudździa Anatol Sotnikaŭ, piša «Homielskaja viasna».
Daniła — student Homielskaha dziaržaŭnaha ŭniviersiteta imia Francyska Skaryny. 18 kastryčnika 2024 hoda ŭ sudzie Navabielickaha rajona Homiela jaho razam z maci Alenaj Čybisavaj asudzili pavodle č. 2 art. 19.11 KaAP (rapsaŭsiud ekstremisckich materyjałaŭ). Vynik taho sudovaha pasiadžeńnia nieviadomy.
Čytajcie taksama:
Žurnalista Ihara Iljaša abvinavačvajuć pa dvuch kryminalnych artykułach