Pjany kiroŭca ŭciakaŭ ź miesca DTZ — milicyja stała stralać pa mašynie
Pahonia adbyłasia ŭ Čerykavie 9 lutaha.
Skrynšot videa MUS
Mercedes sutyknuŭsia z Lada, jakaja stajała, i źjechaŭ ź miesca DTZ. Ludzi patelefanavali ŭ milicyju. Kali daišniki znajšli toj samy Mercedes i padali sihnał ab spynieńni, kiroŭca pasprabavaŭ uciačy. DAI pahnałasia za im.
«Aŭto razhaniałasia da 140 km/h, stvarajučy realnuju pahrozu inšym udzielnikam darožnaha ruchu. Inśpiektary pryniali rašeńnie vykarystoŭvać tabielnuju zbroju. Paśla prycelnych strełaŭ pa kołach parušalnika zatrymali», — kažacca ŭ paviedamleńni MUS.
Za styrnom znachodziŭsia 30-hadovy raniej nieadnarazova sudzimy mahiloviec. Jon nie mieŭ pravoŭ, było padobna, što pjany. Ahlad pakazaŭ bolš za 1,1 pramile ałkaholu.
Na kiroŭcu Mercedes skłali 15 administracyjnych pratakołaŭ, u tym liku za niećviarozaje kiravańnie, nievykanańnie nieadnarazovych patrabavańniaŭ ab spynieńni i niepadparadkavańnie. Jon źmieščany ŭ IČU, mašynu advieźli na achoŭnuju stajanku.